![](https://chankheli.kblu.org.np/wp-content/uploads/2020/08/chandragiri-nagarpalika.jpg)
काठमाडौं, ८ भदौ । चन्द्रागिरि नगरपालिकामा कोरोना सङ्क्रमितको संख्या ६० पुगेको छ ।
काठमाडौं उपत्यका प्रवेशद्धारको मुख्य नाका रहेको चन्द्रागिरिमा हालसम्म कोरोना सङ्क्रमितको संख्या ६० पुगेको हो । नगरपालिकाका प्रवक्ता हरिभक्त महर्जनले चन्द्रागिरिभित्र हालसम्म कोरोना सङ्क्रमितको सो संख्या पुगेको बताए ।
![](https://chankheli.kblu.org.np/wp-content/uploads/2021/05/jalpapost-ad-250250.gif)
सङ्क्रमितमध्ये १० जनाले भने होम आइसोलेसनमा उपचार गराइरहेका छन् । कोरोना सङ्क्रमितको संख्या बढेसँगै नगरपालिकाले श्रीकृष्ण माध्यमिक विद्यालय दहचोक र चुनदेवी मावि थानकोटमा आइसोलेसन सेन्टर स्थापना गर्न लागेको छ ।
उक्त दुई स्थानको आइसोलेसनको क्षमता भने ७० बेडको रहने नगरपालिकाले जनाएको छ ।